عجبني أوي المقال بتاع لماذا أستمر في اتخاذ هذه القرارات الغير عقلانية. بالذات جزئية فخ تجنب الخسارة

بالنسبة لنا إننا نكسب 900 جنيه مضمونة بنسبة 100%، أحسن من 1000 جنيه مضمونة بنسبة 90%

بس لو قولنا تخسر 900 جنيه مؤكدة (احتمالية 100%) ولا تخسر 1000 جنيه باحتمال 90%، يعني عندك 10% احتمالية انك متخسرش حاجة، فأغلبنا هيفضل الاختيار التاني.

عشان احنا مبنحبش الخسارة بأي شكل، فقررنا ناخد المخاطرة في سيناريو الخسارة، واختارنا الخسارة الاكبر (1000 جنيه)..عشان بس فيه أمل حتى لو ضعيف (10%) إننا منخسرش حاجة. لكن في سيناريو المكسب، فضلنا اننا ناخد الطريق الآمن عشان دة مضمون ومش مشكلة المكسب الزيادة دة بقا.

فخ تجنب الخسارة دة بيخليك تاخد قرارات غير منطقية كتير، سواء هتخليك تضيع فرص عشان بس خايف تخاطر شوية، أو العكس تخاطر زيادة عن اللازم عشان بس مش عايز تخسر بأي شكل.

دة لينك المقال:
blog.thndr.app/ar/لماذا-اتخذ-هذه-القرارات-الغير-عقلانية/