بعد إتاحة التّسوية في نفس الجلسة (T+0) على ثاندر، فيه شوية حاجات لازم الناس تاخد بالها منها، المتداولين إللي عندهم خبرة أكيد عارفين الحاجات دي بس فيه ناس جديدة في التّداول ممكن تكون متعرفهاش:

1. التسوية في نفس الجلسة مش متاحة على كل الأسهم، ده تنظيم البورصة إللي حاطاه مش ثاندر، ودي قايمة الشركات إللي متاح التّداول عليها في نفس الجلسة: https://bit.ly/3Ka5Skq بس الحاجة الكويّسة إن أغلب الأسهم الكبيرة موجودة في القايمة دي.

2. كل سهم ليه كميّة معيّنة من الأسهم قابلة للتداول في نفس الجلسة، وده برضو ضمن تنظيمات البورصة، عدد الأسهم المتاحة موجود في القايمة السابقة (القايمة دي متغيّرة) جنب كل سهم. وعددها بيزيد كل ما كان السّهم نشيط وحركة التّداول عليه كبيرة.

مثلاً لو السّهم متاح التّداول عليه بكميّة 1000 سهم في نفس الجلسة متقدرش تشتري غير 1000 سهم بس وتبيعهم في نفس الجلسة، والكميات دي للمتداول الواحد.

3. عند البيع ممكن متعرفش تبيع كميّة الأسهم كاملة في أوردر واحد، مثلاً لو بتبيع 50,000 سهم ممكن متعرفش تبيعهم كلهم، وتضطر تبيع 20,000 مثلاً وتستنى لما الأوردر يتنفذ وتبيع 20,000 تانيين وهكذا.

4. القواعد السّابقة دي غالباً مش هتحس بيها لو بتتداول بكميّات صغيرة، لأنّها مصمّمة لتقليل حساسيّة السّوق (Vulnerability) والتّلاعب بالأسعار من المتداولين كبار الحجم، والتقليل من تأثير المضاربات على أسعار الأسهم.