احنا بجد فخورين بحجم الطلب اللي حصل في أخر أسبوعين بسبب طرح شركة إي فاينانس. رغبة كل واحد انه يستفيد من الفرصه ديه و انه يتعلم حاجة جديدة كانت ملهمة لينا كلنا.

فريق العمل كان بيشتغل ليل و نهار عشان يتأكد إن كل الناس قدامهم فرص متساوية في المشاركة في الطرح ده. إتعلمنا كتير أوي و بنوعدكم اننا كلنا حماس عشان نتعلم أكتر و نبقي جاهزين أكتر للمرة اللي جاية.

إحنا بنعتذر لو مقدرناش ندخل الناس كلها المرة دي. لو معرفناش نكمل طلب أو نرد علي سؤال، نتمني إن ده ميوقفش حد إنه يكمل رحلته في الإستثمار. في فرص تانية كتير للإستثمار مستنياك على ثاندر.

أصدقائكم
فرح و حمودة