لو حد مثلًا محتار يوزع المبلغ الي بيستثمره ازاي بين الأسهم والسندات أو أي أداة دخل ثابت لتقليل المخاطر.

فيه قاعدة ظريفة كدة بتقولك اطرح سنك من 100 والرقم الي هيطلعلك دة يبقا النسبة الي تستثمر بيها في الأسهم والباقي في ادوات الدخل الثابت.

مثلًا، انت عندك 30 سنة وناوي تحط كل فلوسك في صندوق أز-فرص (أسهم)، وأز-ادخار(دخل ثابت)

اطرح 30 من 100 = 70

فالمفروض تحط 70% من محفظتك في أز-فرص، والباقي في ادخار.

الفكرة من انك تدخل سنك في المعادلة، هي عشان لو انت صغير في السن فتقدر تستحمل المخاطرة اكتر، وكمان قدامك وقت اطول يعني والاستثمارات الي فيها مخاطرة زي الأسهم محتاجة مدى زمني طويل شوية.

إيه رأيك في القاعدة دي عامة؟ ولو عندك طريقة تانية للتقسيم شاركها معانا ونستفيد.