السلام عليكم كنت عاوز اعرف مميزات صناديق الاستثمار

صناديق الاستثمار انواعها كتيرة في منها عالي المخاطر و ده بيستثمر في اسهم البورصه و منها قليلة المخاطر و ده بيستثمر في ادوات الدين زي السندات الحكومية و اذون الخزانة كل الفرق بينها و بين استثمارك مباشرة في الاسهم ان صندوق الاستثمار بيديره واحد عنده خبره في سوق الاوراق  المالية و هو اللي بيقوم بدور الشراء و البيع للاسهم بناءا على رؤيته لمدى الربح و الخسارة بمعنى اوضح حضرتك هتشتري وثائق صندوق معين و تسيبها فترة لحد ما تلاقي ارباح من الصندوق و في بعض الصناديق بتعمل زي توزيعات ربع او نصف سنوية عموما الاستثمار في الصناديق مربح على المدى الطويل و بيريحك من ضرورة متابعة السوق بنفسك كل شوية في مقابل مبلغ بسيط جدا مش بيزيد عن ٢٪ من المبلغ المستثمر