Skip to main content
Question
Asked a question 7 months ago

السؤال الاول : ليه سعر البيع بيكون اقل من سعر الشراء علي نفس السهم وفي نفس الوقت ؟السؤال الثاني : لما باخر اشوف سعر السهم خلال اليوم بلاقي السهم رافع ومع ذلك مكتوب نزول ؟

Where am I?

In Thndr you can ask and answer questions and share your experience with others!

السؤال الاول : بص البورصه ما هي ألا ناس بتبيع و بتشتري فا البيبيع عاوز يبيع بسعر عالي و العاوز يشتري عاوز يشتري بسعر قليل

فا كل واحد بيحط سواء هو عاوز يبيع بكام او عاوز يشتري بكام و ينتظرو

ممكن واحد عاوز يخش في السهم دلوقتي حالا مفيش قدامه غير انو يدفع السعر البياع حطه،

و ممكن واحد تاني عاوز يخش بس مش بالسعر المحطوط دلوقتي، فا بيحط طلب بالسعر الهو عاوزه و ينتظر لحد ما وحاد بيبيع يوافق علي هذا السعر و يديله الاسهم

الفرق مبين السعرين دا اسمه "price spread" تقدر تقرأ عنه اكتر و تفهم هو تاثيره ايه

السعر الحضرتك بتشوفه في ثندر تحت اسم السهم دا بيبقي سعر اخر عمليه

السؤال الثاني: دا بيحصل لو السهم نزل عن سعر الإغلاق بتاع الجلسه الفاتت شرح بمثال علشان تفهم اسهل

هنقول إن مثلا سهم سعر الإغلاق بتاعه الجلسه الفاتت كان ٥ جنيه

بس لما السوق فتح السعر نزل لي ٤ جنيه

بعدها طلع تاني ل ٤.٥

في الحالة دي السهم اه طلع نص جنيه دلوقتي بس هو لسه تحت سعر الإغلاق الفات فا في الحقيقة هو نزل