Skip to main content
Question
Asked a question 6 months ago

لو سمحت اللى فاهم يفهمنا وهل ده نصب ولا دى حاجة مفيدة وليها مكسب وشكرا جزيلا

Where am I?

In Thndr you can ask and answer questions and share your experience with others!

١- منصة ثاندر مرخصة من الهيئة العامة للرقابة المالية يعنى حضرتك محمى فا لا تقلق من الناحية دى.

٢- حضرتك تقدر تستثمر ازاى من خلال التطبيق التطبيق حاليا بيتيح ليك انك تستثمر فى صناديق استثمار مدارة من خلال ناس محترفين مرخصين و الصناديق دى نوعين فى واحد عائد دخل ثابت دا بيستثمر فى أدوات الدين الحكومية إلى هى بمعنى بسيط بتسلف الحكومة و بتاخد فائدة، الصناديق دى بتدى عائد سنوى من ٨ ل ١٠ فى المية، أمثلة على تلك الصناديق: صندوق أزيموت ادخار و صندوق مصر للتكافل، أما النوع التانى من الصناديق و هو الصناديق إلى باتستثمر فى البورصة المصرية و دى مخاطرتها أعلى هى حاليا خسرانة بس دى كانت أيام الاستقرار بتدى لحد خمسة و عشرين فى المية مكسب و مثال على الصناديق دى: صندوق أزيموت فرص.

٣- تقدر تستثمر فى البورصة المصرية بنفسك انك تشترى و تبيع الأسهم بنفسك و لكن دا مخاطرته عالية فا لازم تتعلم الاول ازاى تختار الأسهم و ازاى تحلل الأسهم و إن فى حاجة اسمها تحليل أساسى و تحليل فنى و يعنى ايه ربحية السهم و إلى آخره، تتعلم عن الكلام دا بداية من خلال مقالات ثاندر التعليمية هتلاقيها لو عملت الاتى فى تطبيق ثاندر: 

دوس على زرار حساب ثم زرار مساعدة ثم مقالات ثاندر التعليمية.

و برضو ثاندر مسهلة الموضوع شوية أنهم عاملين تحليل أساسى بيبقى موجود تحت السهم بيبقى رقم من خمسة كل ما زاد تقدر تقول إن الشركة أولا بتكسب ثانية غالبا السهم دا بيتداول بقيمة أقل من قيمته و ثالثا على المدى الطويل الشركة دى بتكبر 

فى برضو قناة ثاندر على اليوتيوب تقدر تطلع عليها و برضو لازم تكون مطلع على أخبار السوق و أخبار السياسة والاقتصاد جوا مصر و برا مصر لأنها بتأثر على البورصة.

و عندك محاكى فى ثاندر جواه مئة ألف جنيه وهمية تقدر تجرب ازاى تستثمر بيهم. 

و أخيرا البورصة أداة مالية خطيرة مش هتدوس على زرار تصبح غنى، و لكن ازاى تقلل المخاطرة دى هو انك تتعلم كتير و تفضل فى السوق لفترة طويلة و طويلة يعنى من تلات و خمس سنين و انت طالع ، لانك بتستفيد من حملك للسهم لفترة طويلة إن سعر السهم بيطلع و كمان فى شركات بتنزل أرباح بشكل دورى فا انت تقدر تستفيد من الأرباح دى أو انك تعيد استثمارها لو انت مش محتاجها بس كدا بالتوفيق

Question Stats

171 view
1 follower
Asked a question 6 months ago
Views this month