حضرتك ممكن تتبع الخطوات دي
- تستكمل استمارة فتح الحساب، وتحدد معاد لتوقيع العقد
- هيتم تفعيل حساب حضرتك، بمجرد توقيع العقد ووصوله للشركة
- حضرتك تقدر تمول حسابك من خلال إيداع بنكي، او تحويل بنكي، أو من فروع فوري بلس، أو تطبيق انستا باي
تفاصيل التحويل هتلاقيها في قسم (المحفظة) على التطبيق - بعد تمويل حسابك، حضرتك هتقدر تستثمر في الأسهم المدرجة في البورصة المصرية، و 3 صناديق استثمار هي أزيموت فرص، أزيموت ادخار، وصندوق مصر للتأمين التكافلي.
- حضرتك تقدر تسحب فلوسك من خلال التحويل البنكي، حضرتك هتدخل على قسم المحفظة، بعدين سحب وتحط تفاصيل حسابك البنكي، وبعد استكمال طلب السحب، الفلوس هتوصل لحضرتك في خلال 3 أيام عمل.
بالنسبة لإعادة الاستثمار، حضرتك لو مستثمر في صناديق استثمار فهيتم اعادة استثمار الارباح تلقائيًا، لو حضرتك بتستثمر في الأسهم، فممكن تحقق أرباح من خلال طريقتين
- إن سعر السهم ارتفع، وساعتها برضو حضرتك هتكون تلقائيًا بتعيد استثمار الارباح دي في السهم، لو مبعتهاش، اما لو بعتها فهتقدر تشتريها في أي سهم او صندوق استثمار اخر مثلًا.
- ان الشركة وزعت أرباح نقدية، وساعتها بنبعت لحضرتك ايميل فيه تفاصيل الارباح دي وازاي تستلمها، ولو حضرتك عايز تعيد استثمارها هتحولها على التطبيق زي أي مبلغ عادي.
لو حضرتك عندك أي سؤال،او فيه حاجة مش واضحة ممكن تبعتلي رسالة خاصة.
