ايلون ماسك فجر الانترنت بالتغريدة دي
اللي بتوضح فيها ان الدواير دي بتوضح اسم ساتوشي نكاموتو (ده اسم الشخص اللي اخترع البتكوين)
الشخص ده يعتبر لغز حقيقي لان مفيش حد يعرف هو مين هو بس نشر ابحاثه للناس وشارك معاهم القوانين اللي حطها للعملة دي،
بس بعد التغريدة سعر البتكوين زاد ٨%
لكن ذكاء ودهاء ايلون ماسك مش بيقف هنا بس، حتى لو مش هو الشخص اللي اخترع العملة الغريبة دي او ليه دخل فيها ومننساش انه فعلا عبقري ومش بعيد يكون عمل كده،
إلا انه وبشكل واضح بيأثر على سعر العملة بتغريداته وتصريحاته وده يمكن توجه بيحاول يلعب عليه ان صوته ديما يحرك السعر ويكون مؤثر قوي عليها
وده هتفهمه اكتر في الصور اللي هحطها في التعليقات وازاي هو اختار اليوم ده بالتحديد علشان يشارك معانا معلومة بغاية الأهمية يمكن تكون تافهة بالنسبالك وتكون شبه الفيديوهات العبيطة بتاعة نظريات المؤامرة
ولكنها فكرة جديدة بيتم طرحها للناس فجأة ومشاركتها هتأثر على سعرها
وايلون اختار الوقت ده بالتحديد لان العملة دخلت في منطقة تصحيح ووصلت لمنطقة دعم تاريخية لما السعر بينزل عنده لازم يطلع تاني
اختار اليوم اللي السعر هيطلع فيه هو بس اداله زقة صغيره علشان كل الناس تقول لما ايلون بيتكلم السوق بيطلع
وده في حد ذاته نجاح كبير ومجهود مفيش اي حد لحد النهارده يقدر ينافسه فيه